Facebook
 
 

Стоп-лосс (ағылшын тілінен аударғанда "шығынды тоқтату") - бұл кең таралған бұйрық, негізгі мақсаты - нарықтың қозғалысы трейдердің пайдасына жүрмегенде, ықтималды шығынды азайту .

Стоп-лосс тек ашық позицияларға қойылады. Жағдай трейдер үшін шығынды бағытта дами бастағанда және баға стоп-лосс деңгейіне жеткенде, мәміле автоматты түрде жабылады. Осылайша, стоп-лосс бұйрықтың көмегімен трейдердің өз шығындарын бақылау мүмкіндігі болады, позициялар сәтсіз ашылған жағдайда, капиталының ең болмағанда бір бөлігін сақтап қала алады.

Егер трейдер стоп-лоссты белгілемесе, шығын жеткенде оның позициясын брокер жабады.

Стоп-лостың негізгі үш түрі бар: тиянақталған стоптар, сырғымалы стоптар және құрамдастырылған стоптар.

Тиянақталған стоп-лостар позицияларды ашу кезінде қойылады және мәміле жабылғанша қайта қойылмайды. Сырғымалы стоп-лостар, керісінше, баға қозғалысының даму бағытына қарай үнемі қозғалыста болады. Сырғымалы стоптарды басқаша трейлинг-стоптар деп атайды, олар трейдер қойған параметрлерге қолмен де, автоматты түрде де бағдарлана отырып, орын ауыстыру функциясын орындай алады.

Қазіргі уақытта трейдерлер арасында стоп-лостардың қажеттілігі туралы қызу пікірталас жүріп жатыр. Біреулері стоп-лосты сауданың міндетті шарты болуы тиіс деп санайды, өз ұстанымын стоптардың қолдағы барлық қаражатты жоғалтудан сақтайтынын дәлел ретінде келтіреді. Өйткені, егер баға болжамдағанға қарама-қарсы бағытта тез қозғалса, уақытында жабылмаған мәміле міндетті түрде елеулі шығындарға әкеп соғады. Алайда, стоп-лостың қарсыластары, ол шығындармен қатар пайданы да шектеуге қабілетті деп санайды. Баға қозғалысы көбінесе болжап болмайтын және қарама-қайшы болатындықтан, ол трейдердің болжамына сәйкес жүруі де, сонымен қатар желіге белгіленген стоп-лостың сызығымен "қақтығысып", оқтын-оқтын құбылуы да мүмкін. Мұндай жағдайда, мәмілені сәтті аяқтау мүмкіндігі болса да, позиция минусқа жабылады.

Әдетте стоп-лосты пайдалану туралы шешім жекелеген әрбір трейдердің жеке стратегиясына негізделген. Бұл шығынға шектеулерді алдын ала орнатудың қажеттілігіне қатысты біріңғай пікірдің жоқ екенін білдіреді.

Мақалалар тізіміне оралу
Шот ашу
Шот ашу
Шотты толтыру
Шотты толтыру
Қазір сіз телефон арқылы сөйлесе алмайсыз ба?
Сұрағыңызды чатта қойыңыз.